Bu gün Sloveniyada keçirilən parlament seçkilərində sağ-mərkəzçi düşərgənin əsas təmsilçisi, ölkənin sabiq baş naziri Yaneş Yanşanın rəhbərlik etdiyi Sloveniya Demokratik Partiyası (SDS) qalib gəlib.

Axar.az xəbər verir ki, “ekzit-poll”un nəticələrinə görə, seçicilərin 24,4 faizi SDS-ə səs verib. Bununla da sözügedən partiya parlamentdəki 90 yerdən 25-ni əldə edə bilər.

Seçkilərə ilk dəfə qatılan “Maryan Şaretsin siyahısı” partiyası isə 12,6 faiz səslə ikinci yerdə qərarlaşıb. Ölkənin hazırki Baş naziri Miro Tserarın rəhbəri olduğu Sosial-Demokratlar Partiyası (SD) 9,3-9,9 faiz aralığında səs toplayaraq üçüncü yerlə kifayətlənməli olub.

Qeyd edək ki, seçki öncəsi keçirilən sorğularda Yaneş Yanşanın qələbə qazanacağı proqnozlaşdırılsa da, 2004-2008 və 2012-2013-cü illərdə hökumətə rəhbərlik etmiş sabiq baş nazirin koalisiya qurmaq üçün siyasi tərəfdaş tapmaqda işi o qədər də asan olmayacaq.

Seçkilərin yekun nəticələri yaxın günlərdə elan olunacaq.