Qərbyönlü Ləyaqət və Həqiqət Platformasının lideri Andrey Nestase Kişinyov meri uğrunda keçirilən seçkilərin ikinci turunda qalib gəlib.

Axar.az xəbər verir ki, bülletenlərin 98 faizi artıq sayılıb. Hazırkı nəticələrə görə, seçicilərin 52,16% səsini qazanan Nestase liderdir.

Onun rəqibi, Sosialist Partiyasının namizədi İvan Çeban 47,94% səs toplayıb. MSK-dan verilən məlumata görə, yerdə qalan bülletenlər hazırkı nəticəni dəyişmək imkanına malik deyil və Nestase artıq qalib sayıla bilər.

Çeban məğlubiyyəti qəbul edib. “Kişinyov sakinlərinin qərarı budur. Nestaseni təbrik edirəm və verdiyi vədləri həyata keçirməsini arzulayıram”, - o deyib.

Nestase ilə qərbyönlü qüvvələrin qalib gəldiyini bildirərək, hamının meri olacağına söz verib.

MSK-nın məlumatına görə, seçici fəallığı 39,12 faiz olub.

Qeyd edək ki, bu, Rusiyanın Moldavada maraqlarına növbəti zərbə sayılır.