İngiltərənin solyönümlü partiyası "Respect"in (İzzət) lideri, millət vəkili Corc Qallovey Londonun Nottinq Hill səmtində faciəvi şəkildə döyülüb.

Axar.az xəbər verir ki, Qalloveyin döyülməsinə səbəb kimi onun İsrail əleyhinə səsləndirdiyi fikirlər göstərilir. Qallovey İsrailin Qəzzanı bombardman etməsinə etiraz olaraq sərt çıxış etmişdi.

Millət vəkili parlamentdə təmsil etdiyi Balford şəhərində çıxışı zamanı Qəzzada baş verənlərdən sonra İsrail mallarının, turistlərin və israilli elm adamlarının şəhərə girməsini istəmədiyini bildirmişdi. Bu çıxışdan sonra Qallovey yəhudilər tərəfindən irqçilik və ayrıseçkilikdə günahlandırılmışdı.