Rusiya sərhədi keçərək bu ölkədən sığınacaq istəyən 63 hərbçini Ukraynaya qaytarıb.

Axar.az "İnterfaks"a istinadən xəbər verir ki, bu barədə RF hava-desant qoşunlarının komandir müavini Aleksey Roqozin məlumat verib.

Generalın sözlərinə görə, hərbçilər Rostov vilayətindəki çadır düşərgədə saxlanılır və burada zəruri yardımı alırdılar. Bu gün onları hərbi-nəqliyyat təyyarəsi ilə Belqorod hava limanına gətiriblər, buradan isə Nexoteyevka buraxılış məntəqəsinə apararaq Ukrayna tərəfə təslim ediblər.

Bununla yanaşı Ukrayna ordusu tərəfindən əsir götürülən 9 rus desantı da Xarkov vilayətinin Qoptovka buraxılış məntəqəsində Rusiya tərəfinə təhvil verilib.

Xatırladaq ki, Ukraynanın 63 hərbçisi 27 avqustda Rusiya sərhədçilərinə müraciət etdikdən sonra silahlarını təhvil verərək Rusiya ərazisinə buraxılmışdılar.