Sosial şəbəkələrdə Ukrayna Baş naziri Arseni Yaçenyukun Rusiya işğalına görə emosional və panik duruma düşməsini əks etdirən video paylaşılıb.

Axar.az xəbər verir ki, görüntüdə hökumət başçısı Kremlin işğalçılıq siyasətini aşkar təlaşla qarşılayıb.

Baş nazir çıxışında bəzi məqamlara toxunub. Məsələn, bildirib ki, Avropa Birliyinin Rusiyaya qarşı sanksiyalarının heç bir əhəmiyyəti yoxdur və qadağalar sadəcə cüzi təsir göstərib. Daha sonra Yaçenyuk deyib ki, rəsmi Kiyev separatçıları neytrallaşdırmaqda heç bir çətinlik çəkməyib. Lakin Rusiyanın yüzminlik ordusu, ağır silahları qarşısında acizdir.

Xatırladaq ki, video internetdə marağa səbəb olub və bəzi sosial şəbəkə istifadəçiləri Yaçenyukun davranışını Gürcüstanın sabiq prezidenti Mixel Şaakaşvilinin 2008-ci ilin avqust hadisələri zamanı qalstukunu yeməsinə bənzədiblər.