Norveç Statistika Ofisi maraqlı bir araşdırma aparıb.

Axar.az-ın məlumatına görə, paytaxt Osloda araşdırmalar zamanı yeni doğulan körpələrə ən çox qoyulan adın Məhəmməd olduğu müəyyən edilib.

Dövlət televiziyasına açqılamasında ofisin rəhbəri Yorgen Auren deyib ki, bu vəziyyət olduqca həyəcanvericidir. Onun sözlərinə görə, Osloda Məhəmməd adını daşıyan 4801 adam var.

Y.Auren xüsusi olaraq vurğulayıb ki, bu rəqəm klassik Norveç adlarını ilk dəfə geridə qoyub.

Qeyd edək ki, İngiltərədə də aparılan araşdırmalar zamanı uşaqlara ən çox Məhəmməd adının qoyulduğu qənaətinə gəlinmişdi. Müşahidəçilər bunu son illər Avropa ölkələrinə mühacirət edən müsəlman ailələrinin artması və qərblilərin arasında da islam dinini qəbul edənlərin çoxalması ilə izah edirlər.