Türkiyə Prezidenti Rəcəb Tayyib Ərdoğanın 30 avqust Zəfər bayramı ilə bağlı keçirilən mərasimə gəldiyi 1957-ci il modeli olan "Cadillac" 9-cu prezidentin istifadə etdiyi avtomobil olub.

Axar.az xəbər verir ki, "Cadillac" markalı avtomobil sabiq prezident Cəlal Bayar dövründən bu günə qədər Türkiyə prezidentlərinin xidmətində olub.

Prezident Ərdoğanın mərasimə gəldiyi avtomobil daha əvvəl Camal Gürsəl, Cövdət Sunay, Fəxri Korutürk və Kənan Evrən kimi prezidentlərin istifadəsində olub. Cəlal Bayarın prezidentlik dövründə ABŞ-dan alınan avtomobil 1969-ci ilə qədər Çankayada prezidentlərin xidmətində olub.

1957-ci il modeli olan "Cadillac" 1970-ci illərin əvvəllərindən etibarən isə respublika bayramlarında istifadə edilməyə başlanıb. Xüsusi qarajlarda mühafizə edilən "Cadillac" 68 min km məsafəyə sahibdir.