İran Prezidenti Həsən Ruhani ölkəsində internet və yeni texnologiyalar mövzusunda məhdudiyyətlərin aradan qaldırılması barədə çağırış edib.

Axar.az xəbər verir ki, İran televiziyasına danışan Ruhani internetin elm dünyasında həyati bir əhəmiyyətə sahib olduğunu və gənc nəsillərin bundan məhrum edilməməsinin lazım olduğunu deyib.

Ruhani ölkədə internet və texnologiya sahəsində tətbiq edilən məhdudiyyətlərlə bağlı bunları deyib:

"Bu günün dünyasında internetdən istifadə edə bilməyən insanlar nəinki mütəxəssis, heç şagird belə ola bilməz. Gənc nəsillərimizə dünyanın qapılarını bağlaya bilmərik. Əgər bu gün yeni nəsillərimizin texnologiyaya çıxışına maneə törətməyə çalışsaq, sabah təslim olmaq məcburiyyətində qalacağıq. Sabah olmasa, o biri gün".