Ukrayna Prezidenti Pyotr Poroşenko Ali Rada fraksiyalarının liderləri ilə görüşü zamanı ölkədə hərbi vəziyyət elan edilməsi təklifini qəbul etmədi.

Axar.az xəbər verir ki, bu barədə "Novosti Donbasa" məlumat yayıb.

Bu gün Poroşenko parlament fraksiyalarının liderləri ilə görüş keçirib. "Batkivşina " fraksiyasının lideri Sergey Sobolyov bildirib ki, görüş zamanı ölkədə hərbi vəziyyətin elan olunması müzakirə edilməli idi.

Fraksiya liderinin sözlərinə görə, lakin hərbi vəziyyət elan olunmayıb: "Aldığımız məlumata görə, güman ki hərbi vəziyyət elan olunmayacaq. Çünki hərbi vəziyyət ölkədə keşirilən parlament seçkilərinə zərbə vura bilər".