"İŞİD məsələsində Türkiyə ilə indiyə kimi olmadığı qədər daha çox yaxından çalışırıq".

Axar.az xəbər verir ki, bu sözləri İngiltərə Baş naziri Devid Kemeron deyib. Kemeron ölkəsinin İŞİD-lə mübarizədə yeni planını açıqlayaraq Böyük Britaniyadan 500 nəfərin Suriya və İraqda terrorçların tərəfində savaşmaq üçün getdiyini qeyd edib.

İŞİD-in müdafiə etdiyi ideologiyanın İslamla heç bir əlaqəsi olmadığını vurğulayan Baş nazir mübarizə aparmaq üçün sərt, ağıllı və əhatəli bir yanaşmaya ehtiyaclarının olduğunu söyləyib.

D.Kemeron İŞİD-ə qatılmaq üçün Türkiyə sərhəddindən keçərək gedənlərin artması məsələsinə toxunaraq, Türkiyə ilə bu məsələdə indiyə kimi heç vaxt olmadığı qədər yaxından çalışdıqlarını bildirib.