Qərb ölkələri tərəfindən Rusiyaya qarşı tətbiq olunmuş sanksiyalar rus iqtisadiyyatına daim zərbə vuracaq.

Axar.az xəbər verir ki, bu barədə İngiltərə Baş naziri Devid Kemeron verdiyi açıqlamasında deyib.

"Biz rusların Ukrayna torpağında daha çox irəliləməsini gözləmədən səviyyəni qaldırmalıyıq. Biz sanksiyalar tətbiq edəcəyik və Rusiya da artan iqtisadi izolyasiyadan daim əziyyət çəkəcək", - Baş nazir bildirib.

Kemeron qeyd edib ki, Avropa Birliyi və ABŞ-ın tətbiq etdiyi sanksiyaların Rusiyaya təsir etməməsi ilə bağlı deyilənlərlə razı deyil: "Rusiyadan kapital çıxır, bankların maliyyə vəsaitləri çatmır, Rusiya fond birjası və rubl əhəmiyyətli dərəcədə ucuzlaşıb".

Baş nazirin sözlərinə görə, bu həftə ərzində Rusiyaya qarşı növbəti sanksiyalar paketi qəbul olunacaq.