Makedoniyanın adı dəyişdirilməyəcək.

Axar.az xəbər verir ki, Makedoniya Prezidenti Georgi İvanov Yunanıstanla əldə edilən müqaviləni imzalamaqdan imtina edib.

"Bu zərərverici və bəşəriyyət tarixində bənzəri görülməmiş müqavilə mənim mövqeyimdən hökmsüz və qəbuledilməzdir. Bu müqavilə Konstitusiyanı, qanunları pozur, dövlət qurumlarını aşındırır. Bu siyasi təşəbbüsün altına imza atmayacağam", - İvanov xalqa müraciətində bildirib.

Qeyd edək ki, Yunanıstanın Baş naziri Aleksis Çiprasın və Makedoniyanın Baş naziri Zoran Zayevin iyunun 12-də telefon danışıqlarının nəticəsi olaraq tərəflər Makedoniyanın yeni adı ilə bağlı razılığa gəliblər. Bu qərar ölkənin tezliklə Avropa Birliyi və NATO-ya daxil olmasına şərait yaradır.