Ermənistan Baş naziri Nikol Paşinyan Moskvada “Rossiya Seqodnya” və “Sputnik” agentliklərinin baş redaktoru Marqarita Simonyanla nahar edib.

Axar.az xəbər verir ki, bu barədə məlumatı öz Teleqram kanalında Simonyan paylaşıb.

“Hazırda Paşinyanla nahar edirik. Dünən o, bizim kanala müsahibə verdi, indi isə mən Rusiya-Ermənistan dostluğuna badə qaldırdım və soruşdum ki, o, bu dostluq haqqında nə düşünür” – deyə o bildirib.

Simonyanın sözlərinə görə, Paşinyan ona bu dostluğun bundan sonra daha yaxşı olacağını deyib.

Qeyd edək ki, Simonyan Rusiya KİV-lərinin apardığı təbliğat siyasətinə rəhbərlik edən şəxslərdən biri sayılır. Qərb ölkələrinin böyük əksəriyyətində Simonyanın birbaşa Kremlin əmrləriylə hərəkət etdiyi və onun maraqlarını həyata keçirdiyi düşünülür.