"Rusiya Prezidenti Vladimir Putin hələ 2004-cü ildən Ukraynaya qarşı işğalçılıq planlarının hazırlığına başlayıb".

Axar.az xəbər verir ki, bu açıqlama ilə Ukrayna Daxili İşlər nazirinin müşaviri Anton Geraşenko çıxış edib.

O, Putinin Ukrayna xalqının müstəqilliyə can atma əzmindən çəkindiyini bildirib:

"Vladimir Putin hələ 2004-cü ildən Ukraynaya qarşı aqressiv planını həyata keçirməyi planlaşdırırdı. O, Ukrayna xalqının Yanukoviçə qarşı çıxa biləcəyini və ölkənin sözün əsl mənasında müstəqil ola biləcəyinin mümkünlüyünü görmüşdü".

Geraşenkonun sözlərinə görə, Yanukoviç ölkədən qovulandan sonra ordu dağılmışdı və bu da qəsdən edilmişdi:

Son iki Müdafiə naziri Lebedev və Salamatin hardadır? Moskvada. Ukrayna Təhlükəsizlik Xidmətinin son iki rəhbəri Yakimenko və Kalinin hardadı? Moskvada. Bu insanlar Ukraynaya qarşı işləyən insanlar idi".

Xatırladaq ki, daha öncə Anton Geraşenko "Donetsk polis xainlərinə" qarşı 40 cinayət işinin açıldığını söyləyib.