Ana səhifə Planet |
Merkeli yalnız Türkiyə modeli xilas edə bilər.
Axar.az xəbər verir ki, bu iddia ilə Almaniyanın “Bild” qəzeti çıxış edib.
Qəzet miqrant axınına görə partiyalar arasında yaranmış gərginliyin AB və Türkiyənin 2016-cı ildə imzaladığı razılaşmaya bənzər bir anlaşma ilə çözüləcəyini bildirib.
“Bild” Merkelin Yunanıstan, İtaliya və Avstriya ilə zirvə görüşü keçirməyə hazırlaşdığını yazıb.
Qeyd edək ki, Merkelin Xristian Demokratik Partiyası ilə Sosial Demokrat Partiyasının birliyi pozula bilər. İki partiya arasında gərginliyin yaşanmasına səbəb kimi Merkelin 1 milyondan çox miqrantın Almaniyaya axın etməsinə şərait yaratması göstərilir.
Xatırladaq ki, 2016-cı ildə Türkiyə ilə AB arasında əldə edilən razılaşmaya görə, Avropaya axın edən miqrantların Türkiyədə yerləşdirilməsi qarşılığında Avropa Birliyi rəsmi Ankaraya 3 milyard avro həcmində yardım etməlidir. Bundan əlavə, razılaşmada AB-nin Türkiyə vətəndaşları üçün sadələşdirilmiş viza rejimini tətbiq etməsi də nəzərdə tutulub.
Tarix
2018.06.17 / 12:05
|
Müəllif
Aqşin
|