ABŞ-da adam öldürməkdə və təcavüzdə ittiham edilərək həbs edilən iki məhkum 30 il sonra azadlığa çıxıb.

Axar.az xəbər verir ki, iki ögey qardaş olan 50 yaşlı Anri Makkollum və 46 yaşlı qardaşı Leon Braun 11 yaşlı qıza təcavüz etməkdə günahlandırılırdı. 30 il sonra DNT analizi qardaşların günahsız olduğunu ortaya çıxarıb. Bu məlumatlardan sonra məhkəmə iki qardaşın sərbəst buraxılması barədə qərar verib.

Qeyd edək ki, qardaşlar 5 saatlıq sorğu nəticəsində günahlarını qəbul etdikləri üçün həbsə məhkum edilmişdilər. İki həftə sonra isə qardaşlar təzyiq altında olduqları üçün törətmədikləri cinayəti boyunlarına götürmüşdülər. Bundan sonra isə məhkəmə qardaşları ölüm hökmünə məhkum etdmişdi.