Məğlubiyyətə alışqan olmadığımız üçün böyük xəyal qırıqlığı yaşadıq. Bu məğlubiyyətdən dərs alacağıq.

Axar.az xəbər verir ki, bu sözləri Almaniya yığmasının baş məşqçisi Yoahim Löv deyib. O, məğlubiyyətə görə radikal dəyişikliklər düşünmədiyini bildirib:

“İlk 45 dəqiqə pis oynadıq. Həmişəki ötürmələri göstərə bilmədik. Hücum zamanı meksikalılar boş yerlərdən yararlana bildilər. Oyunun ikinci yarısında isə basqını artırdıq. Növbəti görüş İsveç ilə olacaq və bu oyunu mütləq qazanacağıq”.

Qeyd edək ki, Rusiyada keçirilən futbol üzrə dünya çempionatında Meksika ilə qarşılaşan Almaniya 1-0 hesabı ilə məğlubiyyətə uğrayıb.