Joze Manuel Barrozunu "Kiyevi iki həftəyə alaram", deyə təhdid edən Rusiya Prezidenti Vladimir Putin faktiki olaraq NATO-nu özünün düşməni elan etdi. Və Almaniya kansleri Angela Merkel də bununla razılaşmağa məcburdur.

Axar.az xəbər verir ki, bunu Almaniyanın "Der Spigel" jurnalı yazıb.

Jurnalın yazdığına görə, Merkel faktiki olaraq Putinin vəkili rolunda çıxış edirdi və NATO-nun Rusiyaya qarşı qərarına da o veto qoymuşdu. İndi o Alyansın digər üzvləri ilə birlikdə Putini cəzalandırmağa məcburdur: "Məhz Merkel Ukraynaya etdiyi təcavüzə görə, Avropa Birliyinin Rusiyaya daha sərt sanksiya tətbiq etməsinin qarşısını almışdı. Bundan başqa Polşa və Baltikyanı ölkələr öz ərazilərində NATO qüvvələrinin sayını artırmaq niyyətindədirlər. Lakin Berlin buna da qarşı çıxmışdı. Beləliklə, illərdir Almaniya Amerikanın Raketdən Müdafiə Sistemlərinin Avropada genişlənməsinin və Rusiyaya qarşı yönləndirilməsinin qarşısını almışdı. Ukraynada hərbi münaqişə başlayan kimi Şərqi Avropadan olan Alyans üzvləri birgə qüvvələrlə öz sərhədlərində patrul sisteminin gücləndirilməsini tələb etmişdi. Merkel isə bu addımla razı olmamışdı".

Jurnal yazır ki, NATO-nun Uelsdə keçiriləcək sammitində Merkel Alyansın Baltikyanı ölkələrdə və Polşada 4 yeni hərbi bazasının yaradılmasını dəstəkləyəcək və təlimlərdə iştirak etmək üçün Şərqi Avropaya 120 alman hərbçisi göndərəcək.