Səudiyyə Ərəbistanı hökuməti Qətəri adaya çevirəcək kanalın inşası üçün iyunun 25-də tender elan edəcək.

Axar.az xəbər verir ki, tenderə 5 beynəlxalq şirkətin maraq göstərdiyi deyilib. Belə ki, tenderi qazanacaq şirkətlər 3 ay ərzində elan ediləcək və dərhal tikintiyə başlanılacaq.

Planın həyata keçirilməsi üçün 1 il vaxt veriləcək. Qətərlə Səudiyyə sərhədi boyunca uzanacaq su kanalının uzunluğu 60 km, eni 200 metr, dərinliyi isə 15-20 metr olacaq.

Layihənin ümumi dəyəri təxminən 746 milyon dollar həcmində olacaq.

Bildirilir ki, kanal Qətər sərhədinə 1-5 km məsafədə inşa ediləcək və arada qalan ərazi Səudiyyə Ərəbistanının sərhəd qoruyucuları və Müdafiə Nazirliyinin ehtiyacları üçün istifadə ediləcək.