Türkiyənin “TRT Dünya” (TRT World) telekanalında yayımlanan “Nyusmeykers” proqramının bu həftə yayımlanan buraxılışında ABŞ-ın müdafiə nazirinin keçmiş müavini Lari Korb video bağlantı vasitəsilə qonaq olub.

Axar.az xəbər verir ki, çıxışı zamanı Korb Ərdoğanın seçkiləri ilkin mərhələdə qazana bilməyəcəyini iddia edib. Ərdoğanı diktator adlandıran və onun ilk turda qalib gələ bilmədiyi üçün siyasi rəqiblərini həbs etdirəcəyini deyən Korba aparıcı İmran Qardanın cavabı gecikməyib.

“Bir halda ki, Ərdoğanın seçkiləri qazana bilməyəcəyini iddia edirsiniz, o zaman necə olur ki, Ərdoğanı diktator olmaqda ittiham edirsiniz? Bu bir demokratiya nümunəsi deyilmi? Əlinizdə Ərdoğanın siyasi rəqiblərini həbs etdirəcəyinə dair hər hansı bir sübutunuz varmı?”