"İraq Şam İslam Dövləti" terror təşkilatının lideri Əbu Bəkir Əl-Bağdadiyə sadiq adamlardan biri Şimali İraqda təşkil edilən bir hava hücumunda öldürülüb.

Axar.az xəbər verir ki, bu barədə iraqlı səlahiyyətli nümayəndələrdən biri məlumat verib.

İraq Müdafiə Nazirliyindən əldə edilən məlumatlara görə, öldürülən şəxs Bağdadinin sağ əli hesab edilən Əbu Həcər Əl-Suridir. Öldürülən şəxsin əvvəl Əl-Bağdadi olduğu irəli sürülmüşdü, ancaq bu məlumat təsdiqini tapmayıb.

Mosul şəhərinə təşkil edilən hava əməliyyatında Əl-Suri ilə birlikdə ən azı 50 terrorçunun da öldürüldüyü qeyd edilib.

İŞİD-in Kərkükün qərbindəki Təl-Əlidə yerləşən bir kəndə hücum etdiyi ən azı 50 nəfəri qaçırdığı və naməlum istiqamətə apardığı bildirilib. Kənd sakinlərinin təşkilat bayrağını yandırmasından sonra İŞİD tərəfindən qisas almaq məqsədi ilə edildiyi bildirilir.