Ukrayna ordusu ötən gecə separatçıların Donbasın Veseloe rayonunda yerləşən düşərgəsinə zərbə endirib.

Axar.az Korrespondent-ə istinadən xəbər verir ki, bu barədə Ukrayna Anti-teror Mərkəzindən məlumat verilib.

"Nəticədə 100-dən çox separatçı öldürülüb. Döyüş nəticəsində hərbçilərimiz düşmənin 3 ədəd D-30 topunu məhv ediblər", - məlumatda deyilib.

Mərkəzin məlumatında həmçinin qeyd olunub ki, Ukrayna Silahlı Qüvvələrinin mövqeləri Rusiya tərəfdən atəşə tutulur.

Separatçıların yaydığı məlumatda isə qeyd olunur ki, Ukrayna hərbçiləri Faşevkidən geri çəkiliblər və Debalçevo və Novoaydar istiqamətində döyüşlər aparır.

Ukrayna ordusunun Krasnıy Derkul və Şişkovoda itkilər verdiyi barəsində də məlumatlar yayılıb.