ABŞ-ın CNN media şəbəkəsinin Türkiyədə fəaliyyət göstərən CNNtürk saytı yaydığı məlumatda yanlışlığa yol verib.

Axar.az xəbər verir ki, "Tarixin cəsur qadınları" başlıqlı yazıda bir erməni qadının 1990-ci illərdəki rəsmi əks olunub.

Xəbərdə bildirilir ki, əlində silah tutan və yaşı 106-nı haqlamış bu erməni qadın guya təcavüzə məruz qalaraq evinin müdafiəsinə qalxıb.

Bildirək ki, 1990-cı illərin əvvəllərində Ermənistanın Azərbaycana təcavüzü baş verib və müharibə dövründə Azərbaycanın hücumu olmayıb ki, "erməni nənə" əlinə silah alsın.

90-cı illərdə, Azərbaycanın dünya informasiya məkanından təcrid olunduğu zaman ermənilərin bu foto ilə təcavüzə məruz qaldıqlarını göstərmək istədiyi aydın və erməni xislətinə uyğun olaraq başadüşüləndir. Hazırda, Azərbaycanın torpaqlarının işğal altında olduğu və Xocalı kimi faciələr yaşadığı bütün dünyaya bəlli olduğu məqamda CNNtürk-ün bu "cəsurluq təqdimatı" isə anlaşılan deyil.