Vilnus sammitinin plenar iclasında Şərq tərəfdaşlığı ölkələri arasında ayrı-seçkilik edilib.

"Axar.az" məlumat verir ki, Avropa İttifaqı ilə müqaviləni imzalamaqdan imtina edən dövlətlərin liderləri arzuolunmaz şəxslər kimi arxa oturacaqlarda əyləşdiriliblər.

Belə ki, plenar iclasın keçirildiyi zalda sevimli ölkələr kimi Azərbaycan, Gürcüstan və Moldovanın liderlərinə ön cərgədə yer verilib. Onlar Aİ-nin rəhbər şəxsləri ilə yanaşı oturublar. Müqaviləni imzalamaqdan imtina edən Ermənistan və Ukrayna prezidentləri isə ikinci cərgədə görünməz yerlərdə əyləşdiriliblər. Baş verən hadisə dünya mətbuatının gözündən yayınmayıb.