NATO ölkələri Uelsdə başa çatmış sammitdə kollektiv müdafiə tədbirlərini genişləndirmək haqqında razılığa gəliblər, ancaq Rusiyaya RƏM (Raket Əleyhinə Müdafiə) göndərmək niyyətində olmadıqlarını da təsdiqləyiblər.

Axar.az RİA Novostiyə istinadən xəbər verir ki, ABŞ-ın NATO-dakı keçmiş nümayəndəsi Nikolas Börns dünən Atlantik şurasının təşkil etdiyi "telefon konfransında" "NATO-nu dirçəltdiyinə görə" Rusiya prezidenti Vladimir Putinə mükafat verilməlidir, - deyə maraqlı fikir səsləndirib: "Putinin fəaliyyəti NATO-nu, xüsusilə də onun Avropadan olan üzvlərini hərəkətə gətirib".

NATO ölkələri Uelsdə başa çatmış sammitdə kollektiv müdafiə tədbirlərini genişləndirmək haqqında razılığa gəliblər. Bu qərarın səbəbi Pusiya tərəfindən hiss edilən təhlükədir. Ancaq qeyd edilib ki, RF-yə RƏM göndərmək niyyətində deyillər və Moskva ilə hətta dondurulmuş münasibətlər çərçivəsində olsa belə, siyasi dialoqu qoruyub saxlamaq istəyirlər. İkinci əlamətdar qərar belə bir müdafiənin baha başa gəlməsi səbəbindən üzv ölkələrin hərbi büdcəni artırmağın zəruriliyi haqqındakı bəyannamə olub. Üzv ölkələrin hərbi ehtiyaclara ayrılmış ÜDM-nin (Ümimi daxili məhsul) artırılması məsələsi həll edilməmiş qalıb – bu təşəbbüş sammit iştirakçıları tərəfindən anlayışla qarşılanmayıb.

RF-ə qarşı yeni sanksiyaların tətbiqi məsələsində iştirakçı üzv ölkələr arasındakı fikir ayrılığı, Börnsün fikrincə, göstərir ki, Putin müttəfiqlərinə qalib gəlib. "Bütün bunlar güclü, vahid və nüfuzlu alyansın olmamasından xəbər verir. Fikrimcə, Ukrayna məsələsi alyansın ovqatını hələ çox təlx edəcək", - deyə Börns bildirib.