"Krım iqtisadi cəhətdən daha çox Ukrayna ilə bağlı olduğundan Rusiya üçün problemli bölgədir".

Axar.az "Politnavigator.net" saytına istinadən xəbər verir ki, bu açıqlama ilə Ukraynanın "Açıq siyasət" analitik mərkəzinin prezidenti İqor Jdanov çıxış edib.

O, Krımın turizm bölgəsi əhəmiyyətinin itirdiyini bildirdi:

"Rusiyanın yarımadaya su və ərzaq daşınması ilə bağlı böyük problemləri var. İqtisadi cəhətdən Krım daha çox Ukrayna ilə bağlıdır. Bu ilki turizm mövsümündə Krımı ziyarət edənlərin sayı ötən illərlə nisbətdə 3 dəfə aşağı oldu. Krımda onlara göstərilən xidmətdən sonra çətin ki ruslar yenə ora getmək istəyərlər".