ABŞ və Ukrayna sentyabrın 8-dən 10-a kimi Qara dənizdə təlimlər keçirəcək.

Təlimlərin gedişində iştirakçılar qaydaları pozan gəminin axtarılıb tapılması, nəzərdə tutulmuş əməliyyatların keçirilməsi, qəzaya uğramış gəmiyə yardım göstərilməsini nümayiş etdirəcəklər.

Axar.az Ukrayna Müdafiə Nazirliyinin rəsmi saytına istinadən xəbər verir ki, "Si Briz-2014" Ukrayna-Amerika təlimləri sentyabrın 8-dən 10-a kimi Qara dənizin şimal-qərb hissəsində keçiriləcək.

"Sentyabrın səkkizindən onuna kimi Qara dənizin şimal-qərb hissəsində "Si Briz-2014" Ukrayna-Amerika təlimləri keçiriləcək. Təlimin məqsədi böhranın hökm sürdüyü ərazidə gəmuçilik üçün təhlükəsiz zonanın yaradılması və təmin edilməsi üzrə beynəlxalq əməliyyatların keçirilməsidir".

Planlaşdırılır ki, təlimlərdə Ukrayna və ABŞ-dan başqa İspaniya, Kanada, Rumıniya və Türkiyə də iştirak edəcək. Cəmi 12 gəmi, eləcə də Ukrayna HDQ-nin dəniz aviasiyasına məxsus təyyarə və helikopterləri təlimə qatılacaq. Müşahidəçi qismində isə Gürcüstün, Norveç, İsveç və Fransa nümayəndələri olacaqlar.

Qeyd edilir ki, təlimlər Ukrayna və ABŞ müdafiə nazirliklərinin ikitərəfli əməkdaşllıq proqramına, Ukrayna Prezidenti Pyotr Poroşenkonun 25 mart 2014-cü il tarixli əmri ilə təsdiq olunmuş 2014-cü ilin planına müvafiq şəkildə keçiriləcək.

Xatırladaq ki, 1997-ci ildən 2013-cü ilədək "Si Briz" seriyasından 11 təlim keçirilib.