"Rusiyanın işğalçılıq siyasətinə dəstək verdiyinə görə Almaniya NATO üzvlüyündən çıxarılmalıdır".

Axar.az-ın Noviy Region informasiya agentliyinə istinadən verdiyi xəbərə görə, bu barədə NATO-nun Uels sammitinin yekunlarına dair Kiyevdə təşkil olunan dəyirmi masada Avropa və Transatlantik Studiyaları Mərkəzinin prezidenti Aleksey Kolomieç deyib.

Onun sözlərinə görə, sammit Ukrayna üçün lazımi nəticələri vermədi. O, əlavə edib ki, Rusiyanın işğalının qarşısını Almaniyanın NATO-dan çıxarılması və Gürcüstan, Makedoniya və Ukraynaya üzvlük vəsiqələrinin verilməsi ala bilərdi.

Kolomieç deyib ki, Rusiyanın Ukrayna ərazisində hərbi əməliyyatlar aparması üçün Almaniya əlindən gələni edir və cəzasızlıq şəraiti Moskvanın imkanlarını daha da genişləndirir.