Qara dənizdə Türkiyə, Fransa və Kanadanın iştirakı ilə davam edən "Dəniz küləyi-2014" ("Sea Breeze - 2014") təlimində hadisə baş verib.

Axar.az xəbər verir ki, təlimlərin baş tutduğu ərazidə Rusiya döyüş təyyarələrinin uçuşu gerçəkləşib. Kanada Müdafiə naziri Rob Nikolson "Toronto" adlı döyüş gəmisi ətrafında iki rus qırıcısının uçduğunu açıqlayıb. Uçuşların təhdid olmadığını bildirən nazir Rusiyanın bu addımını gərginlik yaratmaq kimi dəyərləndirib.

Rusiya Müdafiə Nazirliyinin sözçüsü İqor Konaşenkov isə Su-24 və An-26 tipli iki döyüş təyyarəsinin Qara dənizdə beynəlxalq qaydalara uyğun olaraq uçuş reallaşdırdığını açıqlayıb.