"Nazını çəkib qayğına qalacaq heç kimin olmayanda həyat özü səni böyüdüb, çox böyük adama çevirir".

Axar.az xəbər verir ki, sosial şəbəkələrdə bu başlıqla müsəlman ölkələrindən birində uşaqların ağır işlə məşğul olduğunu göstərən bir video paylaşılıb.

Videoda aralarında lap körpələrin də olduğu 6-9 yaşlı uşaqların kərpic kəsdiyi, kəsdikləri kərpicləri bir yerdən başqa yerə daşıdıqları görünür.

Xatırladaq ki, 1989-cu il noyabrın 20-də BMT-nin Baş Assambleyası tərəfindən qəbul edilmiş "Uşaq Hüquqları Konvensiyası"nına əsasən dünyanın hər bir yerində yaşayan uşaqlar iqtisadi, sosial, mədəni və hətta siyasi hüquqlara da malikdirlər. Konvensiyanın "Müdafiə hüquqları" kateqoriyasına əsasən, qaçqın uşaqların zorakılıq, cəzalandırma, hərbi münaqişələrə cəlb edilmə, uşaq əməyinin istismarı, narkotik maddələrin istifadəsi və seksual istismarından uzaq tutulması kimi hüquqları var.