"Avropa İttifaqının ölkələri Rusiyaya qarşı yeni sanksiyalar tətbiq etməyə tələsmirlər".

Axar.az xəbər verir ki, bu açıqlama ilə Ukraynanın keçmiş Xarici İşlər naziri Vladimir Oqrızko çıxış edib.

O, Avropa İttifaqına daxil olan ölkələrin Rusiya siyasətinə qarşı eyni fikirdə olmadığını bildirib:

"Rusiyaya tətbiq edilən sanksiyalar bu ölkənin iqtisadiyyatının dağılmasına gətirib çıxara bilər. Maraqlısı odur ki, Avropa İttifaqında bu vaxta kimi eyni xarici siyasət yoxdur. Bu, Avropa İttifaqı üçün böyük minusdur. Rusiyanın təcavüzündən sonra Avropa İttifaqında nəticə çıxarmalıdırlar. Əks halda, İttifaq inkişaf üçün öz perspektivini itirəcək".

Xatırladaq ki, daha öncə İtaliyanın Xarici İşlər naziri Federika Moqerini Avropa İttifaqının Rusiya Federasiyasına qarşı tətbiq edəcəyi yeni sanksiyaların təxirə salınması ilə bağlı qərar verdiyini bildirib.