Rusiyalı politoloq, ölkəsinin əsas müxalif lideri Boris Nemtsov Putinin uğursuzluğuna dair faktlarla çıxış edib.

Axar.az xəbər verir ki, Nemtsov öz Feysbuk səhifəsində Vladimir Putinin siyasətindəki uğursuzluqları aşağıdakı kimi sıralayıb:

"Putin Ukraynanın neytral ölkə qalmasını istəyirdi. Nəticə - Ukrayna NATO-ya daxil olmaq istəyir.

Şimali Atlantika Alyansını zəiflətmək istəyirdi. Nəticə - NATO Qərb ölkələrinin hərbi büdcəsini artırır.

Ukraynanın Gömrük İttifaqına daxil olmağını istəyirdi. Nəticə - bu, heç vaxt baş verməyəcək. Ukrayna Avropa İttifaqı ilə assosiativ üzvlük barədə saziş imzaladı.

Dünyada öz təsir gücünü artırmaq istəyirdi. Nəticə - özü səfil oldu, ölkə isə sanksiyalar altındadır.

Ərzaq sanksiyaları ilə Qərbi cəzalandırmaq istəyirdi. Nəticə - Rusiya xalqını cəzalandırdı. Rusiyada ərzaq mallarının qiyməti qalxdı, Qərbdə isə düşdü.

Avrasiya İttifaqını genişləndirmək istəyirdi. Nəticədə, Avropa İttifaqı genişləndi".