15:54

Türkiyədə parlament sədrinin seçilməsi üçün səsvermə başlayıb.

Axar.az xəbər verir ki, səsvermənin ilk mərhələsinin 2 saat davam etməsi gözlənilir. 600 millət vəkilinin olduğu TBMM-də ilk mərhələdə 401 səs toplamağa nail olan namizəd sədr seçiləcək.

TBMM sədrinin seçilməsi üçün keçirilən səsvermədə AKP və MHP keçmiş baş nazir Binəli Yıldırımı, CHP İstanbul millət vəkili Ərdoğan Toprağı, HDP Siirt millət vəkili Maral Danış Beşdaşı, İYİ Partiyası isə İstanbul millət vəkili Xeyrəddin Nuhoğlunu namizəd qismində göstərib.

***

Hakim Ədalət və İnkişaf Partiyasının namizədi Binəli Yıldırım Türkiyə Böyük Millət Məclisinə sədr seçilib.

Sədrlik uğrunda mübarizədə 3 tur səsvermə aparılıb. Binəli Yıldırım üçüncü səsvermədə 584 deputatın 335-nin səsini toplayaraq Türkiyə Böyük Millət Məclisinin sədri olub.