Türkiyə Xarici İşlər Nazirliyi qondarma erməni soyqırımını inkar edənlərə cəzanı nəzərdə tutan qanunun Yunanıstan parlamenti tərəfindən qəbul edilməsinə reaksiya verib və bu ölkədə yaşayan türklərin taleyindən narahat olduğunu bildirib.

Axar.az-ın nazirliyin rəsmi saytına istinadən verdiyi xəbərə görə, bu barədə qurumun sözçüsü Tanju Bilqiçə məlumat yayıb. Bilqiçə bildirib ki, Ankara qanunun qəbulunu yaxından izləyib və rəsmi Afinanın bu cür yanaşmasını söz azadlığının təməl prinsiplərinə zidd addım sayıb.

Məlumatda daha sonra deyilir ki, qanunu qəbul etməzdən öncə Yunanınıstanın məsələyə olduqca həssas yanaşması və sənədin hansı fəsadlar törədə biləcəyini ölçməsi lazım idi.

Bununla belə, vurğulanıb ki, sənədin qəbulu Türkiyənin xarici siyasətinə hər hansı təsir göstərməyəcək.

Lakin Bilqiçə Şərqi Frakiya və Yunanıstanın Rodos, həmçinin Kos kimi adalarında yaşayan türk icmalarının üzvlərinin taleyindən narahatlığını gizlətməyib. Onun sözlərinə görə, təzyiq vasitəsi kimi sözügedən qanundan türklərə qarşı hər an istifadə oluna bilər.