Şanxay Əməkdaşlıq Təşkilatına üzv ölkələrin rəhbərləri şurasının Tacikistanın paytaxtı Düşənbə şəhərində keçirilən növbəti iclasında Özbəkistan prezidenti İslam Kərimov Ukrayna məsələsinə toxunub.

Axar.az-ın "Rossiya - 24" telekanalına istinadən verdiyi xəbərə görə, Kərimov bildirib ki, sözügedən münaqişədə Moskvanın tarixi maraqları mütləq nəzərə alınmalıdır:

"Ukrayna problemi ilə əlaqədar aparılan istənilən danışıqlarda Rusiyanın tarixi maraqları nəzərə alınmalıdır. Bunlar iki qardaş xalqlardır, hansılar ki, bundan sonra da əsrlər boyu sülh şəraitində yaşayacaqlar. Bu regionda Rusiyanın maraqlarının nəzərə alınmamasını ciddi səhv sayardım".