ABŞ Müdafiə Nazirliyi Suriya səmalarında kəşfiyyat uçuşlarına başladığını açıqlayıb.

Axar.az xəbər verir ki, Pentaqon rəsmiləri İŞİD-ə qarşı hava əməliyyatını həyata keçirmək üçün kəşfiyyat məlumatı topladıqlarını bildiriblər.

Eyni zamanda İŞİD-ə qarşı böyük bir əməliyyatın yaxın vaxtda baş tutmayacağını da söyləyiblər. ABŞ Müdafiə Nazirliyinin rəsmiləri yeri və zamanı gəldiyində əməliyyata başlayacaqlarını açıqlayıblar.

Qeyd edək ki, ABŞ prezidenti Barak Obama dünən çıxışında İŞİD-ə qarşı bir mübarizə strategiyası qəbul etdiklərini deyib. O, İŞİD liderlərinin öldürülməsi üçün Pentaqona göstəriş verib.