"ABŞ və Avropanın sanksiyaları Ukrayna və vətəndaşlarına heç bir yardım etməyəcək".

Axar.az Kavpolit.com-a istinadən xəbər verir ki, bu açıqlama ilə Çeçenistan lideri Ramzan Kadırov çıxış edib.

O, bu qadağaları Rusiya iqtisadiyyatını pozmağa cəhd kimi qiymətləndirib:

"ABŞ və Avropa Birliyi Rusiya əleyhinə yeni sanksiyalar tətbiq edib. Bu siyahıda aparıcı enerji şirkətləri və böyük banklar var. Sanksiyalar ABŞ-ın Rusiyayla bağlı arzularını gerçəkləşdirir və onu zəiflətmək məqsədi güdür. Rusiya və Ukrayna çox yaxındırlar. Bir dilə, bir tarixə və bir inanca sahibdirlər. Təkcə Rusiya Ukraynaya öz kömək əlini uzada bilər. Amerika Ukraynada yalnız vətəndaş müharibəsini alovlandırmağa çalışır. Əgər Amerika düşünürsə ki, Rusiya və ruslar diz çökəcəklər, çox böyük səhv edirlər. Bunu heç vaxt görməyəcəklər!".