"Rusiyanın Hərbi rəhbərliyi Ukrayna ilə müharibəni 11 ildir ki, planlaşdırırdı".

Axar.az xəbər verir ki, bu açıqlama ilə Putinin keçmiş məsləhətçisi, iqtisadçı Abdrey İllarionov çıxış edib.

O, Ukrayna ilə olan konflikti danışıqlar yoluyla həll etməyin mümkünsüz olduğunu bildirib:

"Ukraynada olan konflikt əslində Rusiyanın Ukraynaya qarşı olan müharibəsidir. Ukraynada olan konflikti danışıqlar yolu ilə həll etmək mümkün deyil. Avropa İttifaqının Rusiyaya qarşı olan sanksiyaları isə sadəcə olaraq lətifədir".

Qeyd edək ki, İllarionov 2000-2005-ci illərdə Rusiya Federasiyası Prezidenti Vladimir Putinin məsləhətçi vəzifəsində işləyib.

Xatırladaq ki, bu ilin mart ayında İllarionov Putinin Rusiya imperiyasının sərhədlərini bərpa etmək arzusunda olacağı barədə müsahibə verib. Ən azından Finlandiya və Baltikyanı ölkələrin onun planında olduğu haqda açıqlama verib.