İraqın paytaxtı Bağdadda bir neçə bombalı hücum təşkil edilib.

Axar.az Anadolu Agentliyi-nə istinadən xəbər verir ki, hücumlar nəticəsində 13 adamın həlak olduğu, 44 adamın isə yaralandığı bildirilib.

Təhlükəsizlik mənbələrindən alınan məlumata görə, hadisə paytaxtın Yusufiyyə, Müşahidə, Zağfaraniyyə və Vəzarətul Dahiliyə səmtlərində bomba yüklü avtomobillərin eyni vaxtda partlaması nəticəsində baş verib.

Partlayışların məsuliyyətini heç bir terror təşkilatı öz üzərinə götürməyib, İraq tərəfi də mövzu ilə bağlı açıqlama verməyib.

Xatırladaq ki, uzun müddətdir qarşıdurmaların yaşandığı İraqda, başda Bağdad olmaqla müxtəlif şəhərlərdə tez-tez bombalı hücumlar təşkil edilir.