Kanada hökuməti Rusiyaya qarşı yeni sanksiyalar tətbiq edib.

Axar.az-ın İTAR TASS agentliyinə istinadən verdiyi xəbərə görə, siyahıya "Sberbank Rossi", Mıtışinsk Maşınqayırma Zavodu və M.İ.Kalinin adına Maşınqayırma Zavodunun adları salınıb.

Yeni sanksiyalar barədə parlamentdə jurnalistlərin suallarını cavablandıran ölkənin Xarici İşlər naziri Con Berd bildirib ki, Rusiyanın bir neçə nəhəng elmi institutu da müəyyən problemlərlə üzləşəcək. Bundan başqa, rusiyalı generalların Kanada ərazisinə girişinə qadağa qoyulub.

Xatırladaq ki, Ukraynada müharibənin ilk günlərindən Kanada Rusiyaya qarşı ən sərt mövqe tutan ölkələr sırasında öndə yer alıb.