Donetsk aeroportu ətrafına rus qoşunları yerləşdirilir.

Axar.az xəbər verir ki, bu barədə ukraynalı hərbi ekspert Dmitri Tımçuk deyib.

Onun sözlərinə görə, qızğın döyüşlərin getdiyi aeroport ətrafında çoxlu sayda rus hərbçilərinin toplandığı aydın görünür.

"Sözügedən yaşayış məntəqəsinin ətrafında düşmən Hava Hücumundan Müdafiə Sistemi yaradır. Ukrayna sərhədi yaxınlığında yerləşən Rusiya Hərbi Hava Qüvvələrinə məxsus bir neçə döyüş aviasiyasının yerdəyişməsi qeydə alınıb. Bizdə olan məlumata görə, Ukrayna hərbçiləri aeroportdan çıxarılacağı təqdirdə həmin maşınlar "Novorossiya Hərbi Hava Qüvvələri" adı altında Donetskə yerləşdiriləcək", - Tımçuk bildirib.

Ekspertin sözlərinə görə, rusiyalı mütəxəssislər Donbasda radiolokasiya sahəsi və Hava Hücumundan Müdafiə sistemi yaradırlar.