Norveçli vətəndaşın profil fotosu Feysbuk tərəfindən silinərək qadağan edilib.

Axar.az xəbər verir ki, Norveçdə yaşayan və nadir xəstəlik səbəbilə üzü bir qədər fərqli forma alan qaradərili gəncin fotosunu Feysbuk qadağan edib.

Gəncin profilinə müdaxilə edən Feysbuk "qanunlarına zidd olduğu üçün" fotosunu silib. Lakin bu məsələnin mətbuatda işıqlandırılması Feysbukun gəncdən üzr istəməsinə səbəb olub.

Gənc qeyd edir ki, bu hal onu olduqca narahat edib və özünü təhqiredilmiş sayıb:

"Digər insanlara bənzəmədiyim üçün fotomun silinməsi tərbiyəsizlikdi. Məni təhqir etmiş oldular. Özümü görünüşüm səbəbilə təcavüzə uğramış hiss edirəm"

Bu açıqlamadan sonra Feysbuk səhv hərəkət etdiyini qəbul edib və üzr istəyib. Üzrdən sonra foto yenidən bərpa edilib.