Obama Ağ Evdə Poroşenko ilə görüşdən sonra bildirib ki, ABŞ Ukraynaya 46 milyon dollar yardım paketi göndərəcək.

Axar.az RİA Novosti-yə istinadla bildirir ki, Amerika prezidenti Ukraynaya hər hansı bir silah təchizatından bəhs etməyib.

Belə ki, Ukrayna Prezidenti Poroşenko ABŞ konqresinin ümumi iclasında çıxış edərkən yenidən silah təchizatı xahişi ilə müraciət edib. ABŞ Prezidenti Barak Obama isə Poroşenkonun xahişinə cavab verməyib.

Buna baxmayaraq, Poroşenko jurnalistlərə ABŞ-ın yardımından məmnun olduğunu bildirib.

Xatırladaq ki, Vaşinqton əvvəlcə Ukraynaya hərbi yardımın genişləndiriləcəyini elan etmişdi, ancaq bu yardımda silah təchizatı nəzərdə tutulmamışdı.