Skripalla bağlı ABŞ-ın tətbiq etdiyi sanksiyalara mütləq cavab verəcəyik.

Axar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.

Sanksiya qərarını Vaşinqtonun yeni düşmənçilik addımı kimi gördüklərini qeyd edən Zaxarova deyib:

"Rusiya ABŞ-ın sanksiyalarına cavab verəcək. Moskvanın cavabı amerikalı senatorların və siyasət lobbisinin bu dəfə nələr uydurduğundan asılı olaraq formalaşacaq".

Qeyd edək ki, ötən gün ABŞ Sergey Skripalın zəhərlənməsi ilə bağlı Rusiyaya tətbiq etdiyi sanksiyaların qüvvəyə minəcəyi tarixi açıqlayıb. Sanksiyalar bu ayın 22-si işə düşəcək.