Türkiyə nüvə enerji sahəsində eyni ilə Çin kimi şaxələndirmə siyasətini yürüdür.

Axar.az xəbər verir ki, bu açıqlama ilə rusiyalı ekspert Aleksandr Uvarov çıxış edib.

"Türkiyənin münasibəti maraqlıdır. Çinin enerji sahəsində inkişafa nail olduğu yolla getməyə qərar verdilər. Vaxtilə Çin ABŞ, Fransa, Kanada və Rusiya kimi inkişaf etmiş ölkələrdən reaktor toplayırdı və sonra nüvə enerji sahəsini necə inkişaf etdirəcəyi barədə seçim etdi", - Uvarov söyləyib.

Qeyd edək ki, bir müddət öncə Türkiyənin Enerji və Təbii Ehtiyatlar naziri Fatih Dönməz açıqlamasında Frakiya bölgəsində üçüncü nüvə stansiyasının Çinlə əməkdaşlıq çərçivəsində inşa ediləcəyini, çinlilərin nüvə stansiyalarının tikintisində fəal olduğunu söyləmişdi.