"HƏMAS" Fələstin muxtariyyətinin baş naziri Rami Həmdallahı Qəzzadakı vəziyyətə laqeyd yanaşmaqda günahlandırıb.

Axar.az Anadolu Agentliyi-nə istinadən xəbər verir ki, "HƏMAS" sözçüsü Sami Əbu Zühri verdiyi yazılı açıqlamada Həmdallahın hələ də FAT hərəkatından təlimat aldığını iddia edib.

O, Baş naziri əhalinin dərdlərini dinləməməkdə günahlandırıb:

"Həmdallah milli muxtariyyətə zidd hərəkat edir və Qəzzadakı əhalinin yaşadığı çətinliklərə laqeyd yanaşır".

Milli muxtariyyət hökumətindən isə hələ bu iddia ilə bağlı açıqlama verilməyib.

Xatırladaq ki, "HƏMAS" siyasi büro üzvü Mahmud əz-Zəhhar da dünən verdiyi açıqlamada Fələstin muxtar hökumətinin bu vaxta qədər uğursuz olduğunu, hökumətə 6 ay vaxt verəcəklərini, daha sonra bir alternativ tapacaqlarını demişdi.