Tanınmış telejurnalist Pavel Şeremet Rusiya dövlət başçısı Vladimir Putinin 2015-ci ilə qədər Ukrayna Prezidenti Pyotr Poroşenkonu devirməyi qarşısına məqsəd qoyduğunu bildirib.

Axar.az Rusjev.net saytına istinadən xəbər verir ki, telejurnalist bu barədə özünün Tvitter səhifəsində yazıb. Şeremetin sözlərinə görə, Putin bunun üçün bütün resurslardan yararlanmağı məqbul sayıb.

Şeremet qeyd edib ki, olduqca çətin bir planın reallaşdırılması üçün Putin Poroşenkonun və onun müttəfiqlərinə qarşı istənilən addımın, o cümlədən nüfuzdan salmaq kimi halların həyata keçirilməsinə göstəriş verib.

O, əlavə edib ki, seçkilər öncəsi Kreml Ukraynada Moskvaya loyal siyası fiqur axtarışına çıxıb və hətta həmin seçimin artıq edildiyi barədə dəqiq məlumatlar mövcuddur.