"Rusiya Prezidenti Vladimir Putin Rusiya Federasiyasının həyatına müsbət nümunə göstərməmək üçün bütöv Ukraynanı tutmaq istəyirdi".

Axar.az "Seqodnaya.ru"ya istinadənx xəbər verir ki, bu açıqlama ilə Ukrayna Prezidentinin müşaviri Yuri Luçenko çıxış edib. O, Putinin Ukrayna ilə bağlı planının puça çıxdığını bildirib:

"Bizim polyaklar, rumınlar, çexlər və digər qərb qonşularımız kimi yaxşı yaşamağımız ruslar üçün qəbuledilməzdir. Şərqdə dünyasını dəyişən əsgərlərimiz boş yerə ölməyib. Onlar Putinin planının qarşısı aldılar. Putin Ukraynanın ancaq bir parçasında kök saldı, hərçənd ki, bütöv Ukraynanı işğal etməyi planlaşdırırdı".

Qeyd edək ki, Donbasdakı silahlı münaqişə aprelin ortalarından başlayıb və 5 aydan artıqdır davam edir. Rəsmi məlumata görə, bu müddət ərzində Ukraynanın şərqində üç mindən çox adam həyatını itirib.