ABŞ-ın Kaliforniya ştatında tarixin ən böyük yanğınının quraqlıq səbəbindən baş vermədiyi üzə çıxıb.

Axar.az xəbər verir ki, araşdırmalar nəticəsində yanğını törədən şəxsin Forrest Klark olduğu müəyyənləşib.

İlkin ehtimala görə, Klark uzun illər qonşuları ilə mübahisə edib və bu səbədən əsəbiləşərək yanğın törədib. O, hadisədən əvvəl yanğınsöndürənlərə elektron poçt vasitəsilə “bura yanacaq” mesajını göndərib.

Prokurorluğun 1 milyon dollar həcmində təzminat tələbinə Klark "bu dəqiqə ödəməyə hazıram” cavabını verib.

Forrest Klarkın növbəti məhkəməsi 17 avqustda baş tutacaq.

Qeyd edək ki, son bir aydır ABŞ-ın Kaliforniya ştatında davam edən dəhşətli meşə yanğınlarının söndürülməsi üçün 14 min yanğınsöndürən cəlb edilib. Minlərlə ev və iş yerinin zərər gördüyü yanğınlar 13 nəfərin həyatına son qoyub, 21 min nəfərdən çox adam evakuasiya edilib, 800 min hektar sahə yararsız hala düşüb.