"Rusiya neft sənayesi təhlükədədir".

Axar.az "rbc.ru"ya istinadən xəbər verir ki, bu sözləri Lukoyl şirkətinin prezidenti Vahid Ələkbərov baş nazir Medvedyevlə görüşü zamanı səsləndirib.

O, Moskvanın neft istehsalatçılarına dəstək verməli olduğunu deyib:

"Bu gün 25% neft hidrodinamik təsirlər nəticəsində əldə edilir. Bu aqreqatlar ABŞ-dan başqa demək olar ki, dünyanın heç bir yerində istehsal edilmir. Bunlar hazırda Rusiya ərazisində var və işləyir, amma dəstəyə ehtiyac duyur. Bu, Rusiyanın neft istehsalatına zərbə vura biləcək ən vacib məsələdir. Əgər biz 125 milyon ton neftdən danışırıqsa o zaman bu neftə verilməli olan dəstəyidə başa düşməliyik".